Exposición virtual

A exposición “Entre moléculas. Ano Internacional da Química 2011. CSIC” ofrece unha visión amena, divulgativa e didáctica da Química. A mostra está dirixida a toda a poboación, con especial atención aos estudantes novos dos distintos ciclos educativos de secundaria. Está composta por 22 paneis que introducen ao visitante no papel central da Química e súas achegas á humanidade.
O contido da exposición, comisariada por Bernardo Herradón, ofrece unha primeira visión xeral da química e o seu papel central na ciencia, seguida dun repaso breve das principais achegas realizadas ao longo da historia. Nun terceiro bloque, mergúllase na química en relación con grandes eidos como o medio ambiente, a saúde, a enerxía e a alimentación, póndoos en relación coa investigación desenvolvida nos laboratorios españois.

A exposición pódese descargar (completa) gratuitamente desde esta páxina, cubrindo o formulario. Ofrécese tanto a institucións e organismos como a particulares. O seu uso farase sempre respectando a integridade da exposición, os créditos, os logos, etc., e citando a súa procedencia en toda actividade de difusión que se realice en relación con este material.

O tamaño orixinal da exposición é de DIN-A1 (59,4 x 84 cm), reproducible en formatos proporcionais (A2, A3, A4).
Existen ademais dúas copias impresas de doado transporte (ofrécense embaladas en caixas con rodas) que o CSIC cede gratuitamente ás institucións, organizacións, asociacións, etc., que a soliciten. Esíxese que o seu uso teña fins educativos ou divulgativos, non lucrativos e acceso gratuíto e universal.

O material da exposición compleméntase con tres unidades didácticas (adaptadas a tres niveis educativos de secundaria) que se poden descargar gratuitamente nesta mesma web, no apartado de materiais didácticos.